RSSB Tigers yongeyemo abakinnyi babiri mbere yo gutangira imikino ya nyuma ya BAL 2026

Ikipe ya RSSB Tigers ihagarariye u Rwanda mu mikino nyafurika ihuza amakipe yabaye aya mbere iwayo muri basketball mu bagabo, Basketball Africa League 2026 (BAL 2026), yongeyemo abakinnyi babiri mbere yo gukina imikino ya nyuma ya 1/4 izabera i Kigali muri BK Arena kuva tariki 22 kugeza tariki 31 Gicurasi 2026.

RSSB Tigers yongeyemo Shema Osborn usanzwe ukinira APR BBC asimbuye Cadeaux de Dieu Furaha ndetse n’umunya-Mali Omar Ballo w’imyaka 23 usanzwe ukina mu kiciro cya mbere mu Butaliyani mu ikipe ya Pallacanestro Cantualso.

RSSB Tigers yari yitabiriye bwa mbere imikino ya BAL 2026 ndetse ikayitabira isimbuye APR BBC yagombaga kuyitabira yageze mu mikino ya nyuma kuko yari yitwaye neza ikayobora itsinda rya Kalahari ryakiniye muri Afurika y’Epfo.

Muri 1/4, RSSB Tigers izakina n’ikipe ya FUS Rabat yo muri Maroc hanyuma ikipe izakomeza hagati yazo izahure n’ikipe izakomeza hagati ya Al Ahly yo mu Misiri na ASC Ville de Dakar yo muri Senegal.