Ikipe ya Al Hilal yo muri Sudani yegukanye igikombe cya Shampiyona y’u Rwanda, BK Pro League 2025/26, nyuma yo gutsinda Gasogi United ibitego 2-1 ariko ihabwa igikombe cy’icyubahiro n’imidari.
Ibi Al Hilal yabigezeho kuri uyu wa gatatu tariki 13 Gicurasi 2026 nyuma yo gutsinda Gasogi United igahita irusha APR FC ya kabiri amanota 14 mu gihe habura imikino 3 gusa ngo Shampiyona irangire.
Ibitego bya Al Hilal byatsinzwe na Mamudu Kamaradini ku munota 15 na Walieldin Daiyeen ku munota wa 69 naho igitego kimwe rukumbi cya Gasogi United cyatsinzwe na Herve Eloundou Ngono Fernand Guy ku munota wa 89.
N’ubwo Al Hilal yamaze kwegukana igikombe cya Shampiyona ariko imikino ya Shampiyona irakomeje hakinwa umunsi wa 33.
Kugeza ubu APR FC niyo iyoboye mu makipe yo mu Rwanda n’amanota 59, ikarusha Rayon Sports ya kabiri amanota 8 naho Kiyovu Sports ni iya gatatu n’amanota 50.