Abaraperi bari mu bagezweho mu Rwanda, Bulldogg na Angel Mutoni bakoze mu nganzo basohora indirimbo itakagiza ikipe y’umukino wa basketball ya RSSB Tigers yitegura guhagararira u Rwanda mu mikino nyafurika ihuza amakipe yabaye aya mbere iwayo, Basketball Africa League (BAL) igiye gukinwa ku nshuro ya 6.
Iyi ndirimbo yamaze kugera ku rubuga rwa YouTube rwa RSSB kuri uyu wa kabiri tariki 19 Gicurasi 2026, ifite iminota 3 n’amasegonda 35, ikaba yarakozwe na Davy & Klein.
Ikipe ya RSSB Tigers iri kwitegura imikino ya nyuma ya BAL 2026 izabera i Kigali guhera kuri uyu wa gatanu tariki 22 Gicurasi 2026 muri BK Arena.
Muri 1/4, RSSB Tigers iri gukina iyi mikino ku nshuro yayo ya mbere izahura n’ikipe ya FUS Rabat yo muri Morocco.