Ikipe ya Rayon Sports yageze i Kigali kuri iki Cyumweru tariki 28 Nzeri 2025 ivuye muri Tanzania nyuma yo gusezererwa na Singida Black Stars mu ijonjora rya mbere rya CAF Confederations Cup ku giteranyo cy’ibitego 3-1.
Rayon Sports yakinnye na Singida ku wa gatandatu tariki 27 Nzeri kuri Azam Complex mu mukino wo kwishyura, uyu mukino warangiye Singida itsinze Rayon ibitego 2-1.
Umukino ubanza wari wabereye i Kigali wari warangiye Singida itsinze Rayon igitego 1-0, Rayon yahise isezererwa itsinzwe ibitego 3-1.
Rayon Sports iragaruka mu kibuga kuri uyu wa kane tariki 2 Ukwakira 2025 yakira Police FC mu mukino w’umunsi wa kabiri wa Shampiyona y’u Rwanda.
Ku munsi wa mbere wa Shampiyona, Rayon Sports yatsinze Kiyovu Sports ibitego 2-0.
