Arsenal yamaze kumvikana na Crystal Palace ku mwongereza w’imyaka 27 Eberechi Eze kuri miliyoni zirenga £60 nk’uko byatangajwe na Fabrizio Romano.
Arsenal isubiye ku isoko nyuma y’uko Umudage ukina nka rutahizamu Kai Havertz agize ikibazo cy’imvune yo mu ivi kizatuma amara hanze igihe kirekire.
Eberechi Eze yari mu biganiro bya nyuma na Tottenham Hotspur gusa Arsenal yabigiyemo ihita itera gapapu iyi kipe y’umukeba yo mu Majyaruguru ya Londres.
Eberechi Oluchi Eze yavutse tariki 29 Kamena 1998, avukira mu Bwongereza ku babyeyi bakomoka muri Nigeria. Yakiniye amakipe y’abato ariko Arsenal, Fulham, Reading na Millwall mbere yo gutangira gukina mu ikipe nkuru nk’uwabigize umwuga muri 2016 mu ikipe ya Queens Park Rangers.
Mu mwaka wa 2017-18, Eze yatijwe muri Wycombe Wandererers mbere yo kugurwa na Crystal Palace muri 2020 ari nayo akinira kugeza ubu.
Eze ukina mu kibuga hagati yatanga izamu cyangwa akataka anyuze mu mpande yakiniye Cyrstal Palace imikino 169, ayitsindira ibitego 40, atanga imipira 28 yavuyemo ibitego aho yitezweho gufasha Arsenal mu buryo bwo gushaka ibitego.