Ikipe ya REG VC yegukanye igikombe cya Shampiyona ku nshuro ya gatatu mu mateka yayo nyuma yo gutsinda Police VC mu mukino wa gatanu w’imikino ya kamarampaka amaseti 3-0.
Kuri iki Cyumweru tariki 17 Gicurasi 2026 nibwo hakinwe umukino wa gatanu w’imikino ya nyuma ya kamarampaka hagati ya Police VC na REG VC nyuma y’uko amakipe yombi yari yanganyije intsinzi z’imikino 2-2.
Uyu mukino niwo wagombaga kujyena ikipe yegukana igikombe cya Shampiyona y’uyu mwaka w’imikino wa 2025/26 kuko ikipe yagombaga kuwutsinda ariyo yari kwegukana Igikombe.
Ibi REG VC y’umutoza yabigezeho nyuma yo gutsinda Police VC amaseti 3-0 (25-22, 25-14, 25-23) iyirusha, biyiha kwegukana Igikombe cya Shampiyona y’uyu mwaka, kiba igikombe cya 3 Shampiyona yegukanye nyuma y’ibyo yegukanye muri 2019 na 2022.