Ikipe ya Inter Milan yegukanye igikombe cy’Igihugu cyo mu Butaliyani, Coppa Italia, nyuma yo gutsinda Lazio ku mukino wa nyuma ibitego 2-0.
Umukino wa nyuma wahuje aya makipe yombi wabereye kuri Stadio Olimpico i Roma mu ijoro ryo kuri uyu wa gatatu tariki 14 Gicurasi 2026.
Inter Milan iherutse no kwegukana igikombe cya Shampiyona y’Ubutaliyani, Serie A, yegukanye na Coppa Italia itsinze Lazio ibitego 2-0 byabonetse ku munota wa 14 nyuma y’uko Adam Marusic yitsinze n’igitego cya Lautaro Martinez cyabonetse ku munota ku munota wa 35.
Ni ku nshuro ya 10 ikipe ya Inter Milan yari yegukanye igikombe cya Coppa Italia.
Inter Milan itozwa na Cristian Chivu yaherukaga kwegukana igikombe cya Shampiyona na Coppa Italia mu mwaka umwe w’imikino mu mwaka w’imikino wa 2009/10.