Ikipe ya APR WVC yegukanye igikombe cya Shampiyona y’u Rwanda mu bagore nyuma yo gutsinda Kepler WVC imikino 3-0.
Kuri uyu wa gatandatu tariki 9 Gicurasi 2026 ikipe ya APR yacakiranye n’ikipe ya Kepler mu mukino wa nyuma wa gatatu w’uruhererekane rw’imikino 5 ya kamarampaka muri Petit Stade i Remera.
Uyu mukino wagiye gukinwa APR y’umutoza Justine Kigwaria isabwa kuwutsinda igahita yegukana igikombe cya shampiyona kuko yari yaratsinze imikino 2 ya mbere kandi amakipe akaba aba agomba gutanguranwa gutsinda imikino 3.
Umukino wa gatatu wagoranye cyane kuko byasabye ko amakipe akina iseti ya gatanu ari nayo yatanze intsinzi kuri APR WVC.
Uyu mukino warangiye APR WVC itsinze Kepler WVC amaseti 3-2 (22-25, 25-17, 25-20, 16-25, 15-10) biyiha kwegukana igikombe cya Shampiyona cyari gifitwe na Police WVC itsinze Kepler imikino 3-0.
Mu yindi mikino yakinwe kuri uyu wa gatandatu, Police WVC yegukanye umudari w’umwanya wa gatatu mu bagore nyuma yo gutsinda RRA WVC imikino 3-0.
Mu mukino wo kuri uyu wa gatandatu Police y’umutoza Hatumimana Christian yatsinze RRA amaseti 3-2 (18-25, 25-14, 25-21, 22-25, 15-9).
Mu kiciro cy’abagabo nabo bakinnye hakinwa umukino wa nyuma hagati ya Police VC na REG VC.
Police y’umutoza Musoni Fred iyo itsinda uyu mukino ntakabuza yari guhita yegukana igikombe cya Shampiyona bwa mbere mu mateka yayo kuko yariyoboye uruhererekane rw’imikino 5 ya kamarampaka n’imikino 2-0.
N’ubwo abantu benshi batekerezaga ko umukino uri bworohere Police VC iheruka no gukora amateka yo kuba ikipe ya mbere yo mu Rwanda yageze ku mukino wa nyuma w’imikino nyafurika ihuza amakipe yabaye aya mbere iwayo, CAVB Men’s Club Championship yaberaga i Kigali ariko ntabwo ariko byagenze.
Ikipe ya REG VC y’umutoza Mugisha Bavuga Benon nayo yegukanye umudari w’umwanya wa gatatu muri iyo mikino yatsinze Police amaseti 3-1 (25-22, 26-24, 20-25, 25-22) bituma Police idahita itwara igikombe ahubwo hagomba kwiyambazwa umukino wa 4.
Umukino wa kane uzaba ku wa gatandatu tariki 16 Gicurasi 2026, Police niwutsinda izahita yegukana igikombe cya Shampiyona naho REG niwutsinda haziyambazwa umukino wa 5 ari nawo uzaba ari uwa nyuma.