Perezida w’u Rwanda Nyakubahwa Paul Kagame yacanye urumuri rw’icyizere mu mugoroba wo Kwibuka ku nshuro ya 32 Jenoside yakorewe Abatutsi mu Rwanda mu 1994.
Umuhango wo gucana urumuri rw’icyizere mu mugoroba wo Kwibuka wabereye muri BK Arena wabimburiwe n’urugendo rwo Kwibuka “Walk to remember” rwitabiriwe na Perezida Paul Kagame na madamu we Jeanette Kagame n’abandi bayobozi batandukanye ndetse n’abaturage bo mu mujyi wa Kigali biganjemo urubyiruko.
Abitabiriye rugendo ngarukamwaka ruzwi nka “Walk to remember” bahagurukiye ku biro by’Akarere ka Gasabo berekeza kuri BK Arena. Uru rugendo rukaba rukorwa mu rwego rwo kunamira abazize Jenoside yakorewe Abatutsi mu 1994 naho urumuri rw’icyizere rukaba rucanwa mu gushimangira ko Jenoside yakorewe Abatutsi mu 1994 itazongera ukundi.
Kuri uyu wa kabiri tariki 7 Mata 2026, u Rwanda rwifatanyije n’isi muri rusange mu gutangiza iminsi 100 yo Kwibuka ku nshuro ya 32 Jenoside yakorewe Abatutsi mu Rwanda mu 1994 yahitanye abarenga miliyoni.
