Umukinnyi w’umunya-Cameroon Nicolas Moumi Ngamaleu yafashwe n’umukunzi we ari kumuca inyuma ahita amuhamagariza Police.
Ibi byabereye mu macumbi (Apartment) aherereye i Moscow mu Burusiya ari naho Nicolas Moumi Ngamaleu asanzwe akina ku cyumweru tariki 9 Ugushyingo 2025.
Mu mashusho yasakajwe ku mbuga nkoranyambaga agaragaza Nicolas Moumi Ngamaleu wari wambaye ikabutura y’ikipe y’igihugu ya Cameroon atabwa muri yombi na Police mu gihe umugore bivugwa ko baryamanaga yihishaga mu maso.
Amakuru avuga ko Nicolas Moumi Ngamaleu yahamagarijwe Police n’umukunzi we w’umurusiya bamaze igihe bakundana Nikki Seey ndetse n’ibiganiro (Chats) Ngamaleu yagiranye n’uyu mukobwa baryamanaga nayo yashyizwe ahagaragara.
Kugeza ubu ntatangazo riragira icyo rivuga kuri iyi nkuru rituruka ku ruhande urwo arirwo rwose.
Nicolas Moumi Ngamaleu w’imyaka 31 ukina nka rutahizamu uca ku ruhande asanzwe ari umukinnyi wa Dynamo Moscow yo mu Burusiya, yageze muri iyi kipe muri 2022 avuye muri Young Boys yo mu Buswisi.
Ngamaleu amaze gukinira Dynamo Moscow imikino 78, yayitsindiye ibitego 14.
Izi nsanganya zabaye kuri Nicolas Moumi Ngamaleu mu gihe ari mu bakinnyi b’ikipe y’igihugu ya Cameroon yitegura gukina na Repubulika Iharanira Demokarasi ya Congo kuri uyu wa kane tariki 13 Ugushyingo 2025 mu mikino ya kamarampaka yo gushaka itike y’igikombe cy’isi cya 2026.