Ibiciro byo kwinjira kuri Sitade ku mukino uzahuza ikipe y’igihugu y’u Rwanda “Amavubi” n’ikipe y’igihugu ya Benin mu mukino w’umunsi wa 9 mu gushaka itike y’Igikombe cy’Isi ku wa 10 Ukwakira 2025 byagiye hanze.
Itike ya macye ni ibihumbi 2 (2,000 RWF) mu gice cyo hasi n’icyo hejuru muri Sitade Amahoro, itike ya VIP ni ibihumbi 20 (20,000 RWF), itike ya Business suite ni ibihumbi 30 (30,000 RWF), itike ya VVIP ni ibihumbi 50 (50,000 RWF), itike ya Executive seat ni ibumbi 100 (100,000 RWF) naho itike ya skybox ni miliyoni 1 (1,000,000 RWF).
Uburyo bwo kugura itike ukoresheje akanyenyeri ni ugukanda *939*5*1* naho uciye kuri murandasi ni www.sportspass.rw.
Umukino uzakinwa ku wa gatanu tariki 10 Ukwakira 2025 kuri Sitade Amahoro saa kumi n’ebyiri z’umugoroba.
Benin iyoboye itsinze C n’amanota 14 yizigamye ibitego 4, ikurikirwa na Afurika y’Epfo n’amanota 14 yizigamye ibitego 3, Nigeria iri ku mwanya wa 3 n’amanota 11 yizigamye ibitego 2, ikipe y’igihugu y’u Rwanda iri ku mwanya wa 4 muri iri tsinda n’amanota 11, ntagitego yizigamye, Lesotho iri ku mwanya wa 5 n’amanota 9 n’umwenda w’ibitego 3 naho Zimbabwe iri ku mwanya wa 6 n’amanota 4 n’umwenda w’ibitego 6.
