Samia Suluhu Hassan yarahiriye kuyobora Tanzania muri manda ye ya kabir nyuma yo gutorwa ku majwi 98% mu matora yabaye ku wa gatatu w’icyumweru gishize tariki 29 Ukwakira 2025.
Kuri uyu wa mbere tariki 3 Ugushyingo 2025 habaye umuhango w’irahira rya Perezida wa Tanzani Samia Suluhu Hassan, uyu muhango wabereye mu muhezo mu kigo cya gisirikare gihererey mu murwa mukuru Dodoma hanyuma ucishwa kuri televiziyo y’igihugu.
Umuhango wo kurahira ntabwo wabereye muri sitade aho imbaga nya mwinshi ishobora kwitabira nk’uko byagendaga mu myaka ishize kubera imvururu zadutse muri iki gihugu kiri mu burasirazuba bw’u Rwanda kuva ku munsi w’amatora.
Abigaragambya biganjemo urubyiruko bavuga ko bakeneye impinduka muri politike y’iki gihugu.
Abatavuga rumwe n’ubutegetsi bw’ishyaka Chama Cha Mapinduzi (CCM) riri ku buyobozi kuva mu 1977 bavuga ko aya matora atanyuze mu mucyo dore ko abakandida babiri bari bakomeye bagombaga guhangana na Samia Suluhu Hassan bafunzwe mbere y’uko amatora aba.
Samia Suluhu Hassan w’imyaka 65 y’amavuko yatangiye kuyobora Tanzania muri 2021 nyuma y’urupfu rwa John Pombe Joseph Magufuli, byamugize umuperezida wa 6 wa Tanzania ndetse bimugira umugore wa mbere waruyoboye iki gihugu.
Samia Suluhu Hassan yabaye Perezida nyuma yo kumara imyaka 6 ari visi Perezida wa Tanzania.