Ku wa kabiri tariki 16 Nzeri 2025 nibwo hatangiye imikino y’Igikombe Gihuza Amakipe yabaye aya mbere mu Bihugu byayo ku mugabane w’Uburayi, UEFA Champions League umwaka wa 2025-26.
Ni ku nshuro ya 71 UEFA Champions League iri gukinwa, ikaba inshuro ya 34 iri gukina yitwa gutya kuko mbere yitwaga European Cup, ikaba ku nshuro ya kabiri iri gukinwa mu mbata nshya itarimo amatsinda ahubwo imeze nka Shampiyona.
Ku wa kabiri nibwo imikino yatangiye:
Athletic Club 0-2 Arsenal
PSV Eindhoven 1-3 Union St Gilloise
Benfica 2-3 Qarabag FK
Juventus 4-4 Borussia Dortmund
Real Madrid 2-1 Marseille
Tottenham Hotspur 1-0 Villareal
Imikino yakomeje ku wa gatatu tariki 17 Nzeri:
Olympiacos 0-0 Pafos FC
Slavia Prague 2-2 Bodoe/Glimt
Ajax 0-2 Inter
Bayern Munich 3-1 Chelsea
Liverpool 3-2 Atletico Madrid
Paris Saint Germain 4-0 Atalanta
Kuri uyu wa kane nibwo imikino y’umunsi wa mbere wa UEFA Champions League yashyizweho akadomo:
Club Brugge 4-1 AS Monaco
FC Copenhagen 2-2 Bayer Leverkusen
Eintracht Frankfurt 5-1 Galatasaray
Manchester City 2-0 Napoli
Newcastle United 1-2 FC Barcelona
Sporting CPÂ 4-1 Kairat Almaty
Muri rusange imikino 18 niyo yakinwe, ibitego 67 nibyo byatsinzwe bivuze ko ari ibitego 3.73 kuri buri mukino.
Umukino wabonetsemo ibitego byinshi ni uwahuje Juventus na Borussia Dortmund wabonetsemo ibitego 8, ikipe yatsinze ibitego byinshi ni Eintracht Frankfurt yatsinze ibitego 5.
Amakipe 9 yari mu rugo yabashije kubona intsinzi, amakipe 3 yatakarije mu rugo naho andi 6 yanganyirije mu rugo.
Iyi mikino isize Erling Haaland ukinira Manchester City abaye umukinnyi wa mbere ubashije kugeza ibitego 50 mu mikino micye ya UEFA Champions League, Haaland yujuje ibitego 50 mu mikino 49 aca agahigo kari gafitwe na Ruud Van Nisterlrooy wabitsinze mu mikino 62.
Undi mukinnyi waciye agahigo ni Harry Kane, mu mukino ikipe ye ya Bayern Munich yatsinzemo Chelsea, gutsinda ibitego bibiri muri uyu mukino byamugize umukinnyi wa mbere w’Umwongereza ugize uruhare rw’ibitego byinshi muri UEFA Champions League.
Kane yujuje uruhare rw’ibitego 53 muri UEFA Champions League, yatsinze ibitego 42, atanga imipira 11 yavuyemo ibitego, aka gahigo yagakuyeho David Beckham wagize uruhare rw’ibitego 52.
Kuri ubu Harry Kane amaze gutsindira Bayern Munich ibitego 20 muri UEFA Champions League bimugira umukinnyi wa gatatu mu mateka y’umupira w’amaguru ubashije gutsindira amakipe arenze imwe ibitego biri hejuru ya 20, indi kipe yatsindiye ibitego ni Tottenham yatsindiye ibitego 21.
Abandi bakinnyi bafite aka gahigo ni Cristiano Ronaldo wabikoreye muri Manchester United na Real Madrid na Neymar Jr wabikoze muri FC Barcelona na Paris Saint-Germain.