U Rwanda rwahawe igihembo nk’Igihugu gifite ibikorwaremezo bibereye ubukerarugendo cyiswe “Best Tourism Infrastructure Award” mu bihembo bya Africa Tourism Awards 2025.
Ibihembo bya Africa Tourism Awards 2025 byatangiwe mu Bwongereza mu murwa mukuru London muri Hilton Canary Wharf ku Cyumweru tariki 2 Ugushyingo 2025.
U Rwanda rwahawe igihembo nk’igihugu gifite ibikorwaremezo bibereye ubukerarugendo rubikesha hoteli nziza zigezweho, amacumbi yakira ba mukerarugendo n’inyubako zakira ibikorwa bigari nk’inama n’ibitaramo.
Muri ibi bihembo bya Africa Tourism Awards 2025 hatanzwe ibihembo 35 mu bisata 29 (Categories) bitandukanye byahatanaga.