Umuholandi Megan Arens yegukanye Shampiyona y’Isi y’Amagare mu gusiganwa n’ibihe (Individual Time Trial) mu kiciro cy’abangavu batarengeje imyaka 19 akoresheje iminota 25 n’amasegonda 47.41 ku ntera ya kilometero 18.3.
Umunya-Espagne Ostiz Taco Paula yasoreje ku mwanya wa kabiri arushwa amasegonda 35.3, Umunya-Norway Gissinger Oda Aune niwe wegukanye umwanya wa gatatu arushwa amasegonda 37.54.
Umunyarwandakazi Masengesho Yvonne wabimburiye abandi gutsimbura saa 11:06 yasoreje ku mwanya wa 33 arushwa iminota 3 n’amasegonda 55.63.
Undi munyarwandakazi wahatanye muri iki kiciro ni Uwiringiyimana Liliane wasoreje ku mwanya wa 40 arushwa iminota 5 n’amasegonda 11.26.
Abasiganwe muri rusange ni 47 kandi bose barangije isiganwa kuri uyu munsi wa gatatu wa Shampiyona y’Isi y’Amagare iri kubera i Kigali mu Rwanda.
