Umuhanzi wo muri Nigeria Burna Boy yasubitse ibitaramo 5 yagombaga gukorera muri Leta Zunze Ubumwe z’Amerika mu rugendo akomeje rwo kumunyekanisha album ye “No Sign of Weekenss (NSOW)” biturutse ahanini ku kuba amatike atari kugurwa ku bwinshi.
Ibitaramo byasubitswe ni ibyagombaga kubera muri Boston, Washington D.C, New York, Atlanta na Orlando.
Kutagurwa ku bw’inshi kw’amatike yo kwinjira mu bitaramo bya Burna Boy usanzwe ari icyamamare bije nyuma y’uko uyu muhanzi akoze ibitarishimiwe na benshi ubwo yasohoraga mu gitaramo cye abantu bari basinziriye ndetse nyuma akanishongora ku bakunzi be abinyujije ku mbuga nkoranyambaga aho yagize ati,”Ese nigeze mbabwira kuba abafana bange? Nge nshaka abafana bafite amafaranga gusa.”
Burna Boy w’imyaka 34 yasohoye bamwe mu bafana basinziraga mu gitaramo yakoreye mu mujyi wa Denver muri Leta Zunze Ubumwe z’Amerika.
Iyi myitwarire ya Burna Boy ihuzwa no kuba abafana batirishimiye imyitwarire ye bikaba aribyo byatumye batagura amatike ku bwinshi nk’uko byari bisanzwe.
