Umukinnyi wakinaga nk’umuzamu mu ikipe ya Tottenham Hotspur yo mu Bwongereza, Alfie Whiteman yasezeye ku gukina umupira w’amaguru nk’umukinnyi wabigize umwuga yigira mu mwuga wo gufotora (Director and Photographer) ku myaka 27.
Alfie Malik Whiteman asezeye kuri ruhago nyuma y’imyaka 16 yaramaze muri Tottenham Hotspur ndetse yari mu bakinnyi batwaye igikombe cya Europa League iyi kipe iheruka gutwara mu mwaka ushize w’imikino n’ubwo yari umuzamu wa gatatu.
Alfie avuga ko atarongera kureba umupira w’amaguru nyuma yo gutwara Europa League mu ikipe ya Tottenham ndetse agatandukana n’iyi kipe tariki 1 Nyakanga 2025, yasezeye ku mupira w’amaguru mu gihe ntakipe yarafite.
Umwongereza Alfie yakinnye umukino we wa mbere mu ikipe nkuru ya Tottenham tariki 26 Ugushyingo 2020 muri Europa League, ubwo iyi kipe yatozwaga na Jose Mourinho yatsindaga Ludogorets ibitego 4-0.
Uyu niwo mukino wonyinye Alfie yakiniye ikipe nkuru ya Tottenham gusa yakiniye ikipe ya Tottenham y’abatarengeje imyaka 21 imikino 32, akinira iy’abatarengeje imyaka 18 imikino 10 ndetse n’iyabatarengeje imyaka 19 imikino 4.
Alfie yafashe umwanzuro wo gusezera ku mupira w’amaguru ubundi yerekeza mu mwuga mushya wo gufotora.
