Ku mugoroba wo kuri uyu wa kane tariki 28 Kanama 2025 nibwo habaye tombola ya UEFA Champions League y’uko amakipe azahura mu kiciro kibanza habarwa amanota (League Phase).
Iyi tombola yabareye i Monaco muri Grimaldi Forum.
Amakipe 36 niyo yari muri iyi tombola, ni ubwa kabiri UEFA Champions League igiye gukinwa muri ubu buryo kuko ubundi yakinwaga n’amakipe 32 yashyirwaga mu matsinda umunani (8) y’amakipe ane (4).
Muri iyi mbata nshya ya UEFA Champions League, amakipe 36 ashyirwa mu dukangara tune bitewe n’amanota afite muri UEFA, ubundi ikipe imwe yo muri buri gakangara igatombora amakipe umunani (8) harimo amakipe abiri yo muri buri gakangara.
Muri iyi tombola ariko ntibishoboka ko ikipe zo mu gihugu kimwe zishobora gutomborana n’ubwo zaba ziri mu dukangara dutandakanye cyangwa ngo ikipe imwe itombore amakipe abiri yo mu gihugu kimwe.
Uko tombola yagenze
Amakipe 36 yagabanyijwe mu dukangara tune tw’amakipe 9:
Uko amakipe yatomboranye
Amakipe yo mu gakangara ka mbere
Amakipe yo mu gakangara ka kabiri
Amakipe yo mu gakangara ka gatatu
Amakipe yo mu gakangara ka kane
Urugero rwumvikana rwatuma wumva tombola neza. Dufate ikipe ya Paris Saint Germain (PSG) yo mu gakangara ka mbere.
PSG yatomboye kuzahura na Bayern Munich na FC Barcelona zo mu gakangara ka mbere, Atalanta na Bayer Leverkusen zo mu gakangara ka kabiri, Tottenham na Sporting CP zo mu gakangara ka gatatu na Newcastle United na Athletic Club zo mu gakangara ka kane.
Muri iki kiciro hategerejwe imikino 144, imikino izatangira tariki 16 Nzeri 2025.