Ikipe ya Pyramids FC yo mu Misiri ifitanye umukino w’ijonjora rya mbere na APR FC muri CAF Champions League yageze i Kigali mu ijoro ryo kuri iki Cyumweru tariki 28 Nzeri 2025.
Pyramids FC izakina umukino ubanza na APR FC kuri uyu wa gatatu tariki 1 Ukwakira 2025 kuri Kigali Pele Stadium saa munani z’amanywa.
Pyramids FC y’umutoza Krunoslav Jurčić yazanye abazamu batatu aribo Ahmed El-Shenawy, Mahmoud Gad na Ziad Haytham.
Yaznye ba myugariro barindwi aribo kapiteni wayo Ali Gabr, Karim Hafez, Mohamed El-Sheiby, Mohamed Hamdy, Tarel Ala’a, Mahmoud Marei na Ahmed Sami.
Abakinnyi bo mu kibuga hagati yazanye i Kigali barimo Abdelrahman Magdy, Ahmed Atef Qotta, Mostafa Zizo, Everton Dasilva, Mohamed Reda Bobo, Mahmoud Zadaqa, Ahmed Tawfik, Mahmoud Donja, Mohanad Lasheen, Blati Toure, Mostafa Fathi na Walid El-Karti naho ba rutahizamu yazanye ni Dodo El-Gabbas, Yousef Obama, Fiston Mayele na Marwan Hamdi.
Pyramids FC ifite igikombe giheruka cya CAF Champions League iheruka guhagararira Afurika mu Gikombe gihuza amakipe yatwaye ibikombe ku migabane yayo, 2025 FIFA Intercontinental Cup.
Muri iki gikombe Pyramids FC yageze muri 1/2 nyuma yo gusezerera Auckland City yo muri Oseyaniya iyitsinze ibitego 3-0 na Al-Ahli yarihagarariye Aziya ibitego 3-1.
Tariki 13 Ukuboza 2025, Pyramids FC izakina umukino wa 1/2 n’ikipe izaba yatsinze hagati ya Cruz Azul iharariye Amerika y’Amajyaruguru n’ikipe izahagararira Amerika y’Amajyepfo.
